Les mots surlignés font l'objet d'une note
1Monsieur, tout à ceste heure, ay resseu la votre dactée du XXXe du passé,
2en samble la coppie de celle que leur majestés vous mandent et
3nia rien plus vray quilz fesoint bruit que en France sestoyent
4tout eslevé et à La Rochelle et quil y avoyt ung prince du sanc
5avec ung autre des plus grandz de la court qui sestiont randus
6leurs chefz. Despuis le despart de monsieur lauditheur Faure, les
7trouppes que estiont à Ribiers sont montés sa haut et sont à cest heure
8à Teux et Val Souze là oùt ilz ont excerssé toutes les meschanstés
9et rançonnement que personnes peuvent fère à landroict du pouvre
10peuple, fors que de meurtres ilz nont rien oublié et à nuict
11se doivent randre à Chorges et ne bougent dung lieu tant quilz y
12treuvent que manger ou ruyner, disant que larmée des
13papaux que doibt venir trouvront lherbe comme les chevaux pour
14paistre. Sil survient quelque chouse soudain, vous en donray
15advis. Lon nous menace fort. Nous soumes tousjours lhiel
16ouvert et espère en Dieu quilz san retourneront pas contans
17silz nous viennent voyr. Vous baisant les mains après
18metre humblement recoumandé à vous bonnes graces, priant
19Notre Seigneur vous donner,
20monsieur, en parfaicte santé, très longue hereuse vie. De Gap, se
21VIIIe febvrier 1574.
22Votre plus humble à vous fère service
23laborel